សុបិននាំលាភ! ការយល់សប្តិឃើញរឿងទាំង ៨ យ៉ាង ជាសញ្ញាអ្នកទទួលបានលាភសំណាងល្អ យីអ៊ុនឡើង
តាមជំនឿចាស់ៗពីដើមបាននិយាយតៗគ្នាតា ការឃើញរឿងទាំង ៨ ទនេះ ជាប្រផ្នូលល្អ ទំនាយទាយថា សំណាងជាច្រើនកំពុងចូលមករកអ្នកក្នុងពេលឆាប់ៗនេះ។
១) យល់សប្តិឃើញសញ្ញានាំសំណាង៖ និមិត្តសញ្ញាសំណាងទូទៅ គឺត្រីគល់រាំង ម៉ុងសាយ កាក់ ស្លឹកឈើនាំសំណាង ឬក្ដារមឈូស។ អ្នកដែលយល់សប្តិឃើញវត្ថុទាំងនេះ ត្រូវបានគេទស្សន៍ទាយថា នឹងទទួលបានលាភសំណាងជាច្រើន។ ហិរញ្ញវត្ថុរបស់អ្នកនឹងកើនឡើង មានឱកាសរកលុយចូលកាន់តែធំ។ លើសពីនេះ សុបិននេះក៏បង្ហាញឱ្យឃើញថា អ្នកកំពុងតែដើរលើផ្លូវត្រូវ ហើយនឹងសម្រេចបាននូវគោលដៅ និងក្ដីសុបិនរបស់ខ្លួនក្នុងពេលឆាប់ៗនេះ ជាមួយនឹងស្នាដៃដ៏ឆ្នើម។
២) យល់សប្តិឃើញរាប់លុយ៖ ការយល់សប្តិឃើញលុយគឺជាប្រផ្នូលល្អ ផ្សារភ្ជាប់ជាមួយនឹងទ្រព្យសម្បត្តិ និងភាពរុងរឿង។ អ្នកដែលមានសុបិនបែបនេះ នឹងមានតែភាពសប្បាយរីករាយក្នុងការងារ មានឱកាសឡើងឋានៈ ទទួលបានប្រាក់លើកទឹកចិត្ត ឬមានការងារថ្មីៗកាន់តែល្អជាងមុន។ អ្នកនឹងយល់ថាជីវិតអំណោយផល រកលុយបានស្រួលជាងសម័យមុនផងដែរ។
៣) យល់សប្តិឃើញភ្ញៀវមកលេង៖ សុបិននេះតំណាងឱ្យសំណាង ឱកាសល្អៗបានចូលមកដល់ហើយ។ ភ្ញៀវកិត្តិយសនេះអាចជាបុគ្គលដ៏ថ្លៃថ្នូរម្នាក់ មានសមត្ថភាពខ្លាំងនឹងជួយដល់អ្នក គាំទ្ររាល់ជំហានលើវិថីនៃការអភិវឌ្ឍន៍អាជីពរបស់អ្នក។ អ្នកប្រកបរបររកស៊ីជួញដូរដែលមានយល់សប្តិបែបនេះទស្សន៍ទាយថា ចំនួនអតិថិជននឹងកើនឡើងក្នុងពេលដ៏ខ្លីខាងមុខនេះ ប្រាក់ចំណូលនឹងកើនឡើងពីមួយថ្ងៃទៅមួយថ្ងៃ។ ចំណែកអ្នកធ្វើការរកស៊ី នឹងមានការងាររលូន ទទួលជោគជ័យច្រើន និងមានប្រាក់ខែកើនឡើងផងដែរ។
៤) យល់សប្តិឃើញទារកញញឹម៖ រូបភាពនៃទារកញញឹមនាំមកនូវសេចក្តីអំណរ សន្តិភាព និងសុភមង្គល។ វាជាសញ្ញាមួយបង្ហាញថា លាភសំណាងបានខិតជិតមកដល់ ហើយទំនាក់ទំនងជុំវិញអ្នកកំពុងអភិវឌ្ឍយ៉ាងចុះសម្រុងគ្នា និងរឹតតែស្រស់ស្អាត។ លើសពីនេះ វាក៏មានន័យថា ទំនាក់ទំនងដែលខូចខាតកន្លងមកក៏អាចដោះស្រាយបាន មិត្តភាពថ្មីៗក៏ចូលមក ហើយជីវិតនឹងកាន់តែស្រស់ស្អាត។
៥) យល់សប្តិឃើញថ្នាក់លើអញ្ជើញទៅញ៉ាំបាយ៖ ការសុបិនឃើញត្រូវបានគេអញ្ជើញឱ្យទៅទទួលទានអាហារពេលល្ងាចដោយថ្នាក់លើរបស់អ្នក គឺជាសញ្ញាល្អនៅកន្លែងធ្វើការ។ អ្នកអាចអភិវឌ្ឍសមត្ថភាពរបស់អ្នក ទទួលបានភាពជោគជ័យដ៏អស្ចារ្យ មានឱកាសឡើងឋានៈ ហើយប្រាក់ខែរបស់អ្នកនឹងកើនឡើង។
៦) យល់សប្តិឃើញឡើងទម្ងន់៖ នៅក្នុងសុបិនមួយ ប្រសិនបើអ្នកឃើញខ្លួនឯងឡើងទម្ងន់ វាជាប្រផ្នូលល្អ ទស្សន៍ទាយទ្រព្យសម្បត្តិកើនឡើង អ្នកដែលមានសុបិននេះ មានឱកាសធ្វើជំនួញយ៉ាងរលូន រកចំណូលបានច្រើន និងមានជីវភាពធូរធារ ។ ក្តីសុបិននេះក៏បង្ហាញពីទំនុកចិត្តលើការអភិវឌ្ឍន៍ខ្លួនឯងផងដែរ។
៧) យល់សប្តិឃើញពស់ហែលក្នុងទឹក៖ ពស់ហែលទឹកក្នុងទឹកតំណាងឱ្យព្រះគុណ ភាពបត់បែន និងការតាំងចិត្ត។ នេះគឺជាសុបិនដែលទាក់ទងនឹងមនុស្សថ្លៃថ្នូរ។ មនុស្សដែលមានសុបិននេះអាចទទួលបានជំនួយពីមនុស្សថ្លៃថ្នូរ ហើយអ្វីៗនឹងដំណើរការដោយរលូន។ ចំណែកអ្នកនៅលីវដែលយល់សប្តិបែបនេះក៏ត្រូវបានគេទស្សន៍ទាយថា នឹងទទួលបានភាពរីករាយក្នុងស្នេហា ហើយឆាប់ៗអ្នកនឹងបានជួបស្នេហ៍ពិតផងដែរ។
៨) យល់សប្តិឃើញផ្ទះលេចធ្លាយ៖ សុបិននេះត្រូវបានគេនិយាយថា ជាសញ្ញាមួយបង្ហាញថាអ្នកហៀបនឹងទទួលបានលាភសំណាង និងប្រាក់ចូលមកក្នុងផ្ទះជាហូរហែ។ ទឹកជានិមិត្តរូបនៃប្រាក់ និងទ្រព្យសម្បត្តិ។ ទឹកហូរចូលផ្ទះ មានន័យថា លុយចូលមក។ ភ្លៀងធ្លាក់ខ្លាំងក៏មានន័យថាបណ្ដេញកង្វល់ និងគ្រោះអាក្រក់នាំមកនូវអនាគតល្អផងដែរ៕
ព័ត៌មានថ្មីៗ
