ចាំមើលទៅ! ក្រោយអាយុ ៣៥ អ្នកកើតឆ្នាំ ៥ ទុក្ខទាំងឡាយនឹងរសាត់អស់ ប្រោសមកវិញតែសុខចម្រើន
ទុក្ខលំបាកទាំងឡាយនឹងរសាត់បាត់អស់ទៅ សម្រាប់អ្នកកើតឆ្នាំទាំង ៥ នៅក្រោយអាយុ ៣៥ ឆ្នាំ មិនថាជាបុរសឬនារី ហើយក៏រមែងដូចបានទេវតាប្រោសត្រលប់មកវិញ តែទ្រព្យ តែក្តីសុខចម្រើនមកក្នុងជីវិត។ តើចំណោមឆ្នាំទាំង ៥ មានប៉ះឆ្នាំរបស់អ្នកដែរឬទេ?
អ្នកកើតឆ្នាំម្សាញ់ - ពស់
ជាមនុស្សឈ្លាសវៃ មានស្ថិរភាពផ្លូវចិត្ត តែយ៉ាងណាពួកគេរមែងជួបការលំបាក និងឧបសគ្គច្រើនក្នុងជីវិត ជាពិសេសគឺល្បាក់អាយុស្រករ ២០។។ ដោយសារតែការខិតខំកែលម្អ ការមិនបោះបង់ឆន្ទៈ និងខិតខំជាបន្តបន្ទាប់ ក៏នាំឲ្យមនុស្សកើតឆ្នាំម្សាញ់ អាចផ្លាស់ប្តូរជីវិត ១៨០ ដឺក្រេ នៅក្រោយអាយុ ៣៥ ឆ្នាំ។
ការបរាជ័យទាំងឡាយ នឹងប្រែក្លាយជាបទពិសោធន៍ នាំឲ្យមនុស្សនេះជួបតែចម្រុងចម្រើន ក្នុងអាជីពការងារ និងការរកស៊ី នៅពេលអនាគត ហើយក្រោយអាយុ ៣៥ ក៏អាចមានមុខតំណែងធំក្នុងក្រុមហ៊ុនទៀតផង។ បើអ្នកវិនិយោគលើមុខជំនួញ នោះចាំមើលទៅមិនខ្វះទេរបស់របរប្រើប្រាស់ទំនើប លើខ្លួនប្រាណឃើញតែមាសពេជ្រភ្លឺចិញ្ចាច ហើយក៏មានវិបុលភាពក្នុងជីវិតផងដែរ។
អ្នកកើតឆ្នាំជ្រូក – កុរ
ជាមនុស្សមានចរិតស្លូតបូត ចេះអត់ឱន និងចិត្តល្អ រមែងយកអាសាអ្នកដទៃ។ យ៉ាងណាឆាកជីវិតមនុស្សកើតឆ្នាំកុរ រមែងជួបការលំបាក និងទុក្ខច្រើនគួរសម ហើយពេលតាំងចិត្តធ្វើអ្វីមួយ រមែងចេះតែជួបឧបសគ្គនេះ បញ្ហានោះឥតឈប់ តែក៏ពួកគេមិនងាយបោះបង់ចោលពាក់កណ្តាលផ្លូវដែរ។
កាលនៅវ័យជំទង់លំបាកច្រើន តែក្រោយអាយុ ៣៥ ឆ្នាំ ចូលចាំអង្កេតមើលចុះ ទ្រព្យនឹងមានហូរហៀរ ភាពរុងរឿងក្នុងជីវិតនឹងកើតមានឡើង។ នេះប្រៀបដូចទេវតាទ្រព្យ ប្រោសឲ្យក្លាយជាអ្នកមាន លែងស្គាល់សេចក្តីលំបាក សេចក្តីក្រខ្សត់ ហើយប្រែមុខប្រែមាត់ក្លាយជាលោកថៅកែ ក្លាយជាអ្នកមានមុខតំណែងធំតរៀងទៅ។
អ្នកកើតឆ្នាំខាល – ខ្លា
ជាមនុស្សមានចរិតម៉ឺងម៉ាត់ និងក្លាហាន ហើយពូកែសម្របខ្លួនទៅនឹងស្ថានភាពប្រកួតប្រជែង ដោយមិនចូលចិត្តនៅក្រោមគេឡើយ។ មនុស្សនេះ មានភាពជាអ្នកដឹកនាំ ដូចអំណោយពីធម្មជាតិប្រទានឲ្យ ហើយមានមហិច្ឆតាធំណាស់ក្នុងជីវិត ដោយមិនចេះនៅមួយកន្លែងស្ងៀមឡើយ ពោលបើបានមួយហើយ ចង់បានពីរ បើបានពីរចង់បានបី ពោលគឺចិត្តមិនស្ងប់ឡើយ។
ក្រោយអាយុ ៣៥ ឆ្នាំ បុគ្គលនេះរមែងទទួលបានការគោរព បានលាភសំណាង បានលុយធំចូលហោប៉ៅគគ្រឹកគគ្រាក់ ដូច្នេះដូចផ្លាស់មកទំព័រជីវិតថ្មីទាំងស្រុង។ ទាំងអាជីពការងារ ស្នេហា ប្រៀបដូចទេវតាប្រោះព្រំមកពីឋានសួគ៌ា។ លើសពីនេះ ពួកគេក៏មានឱកាសច្រើនក្នុងការពង្រីកទំនាក់ទំនង រួចបានជួបមនុស្សមានមុខមាត់ មានឋានៈខ្ពស់ មកចាំជួយស្រោចស្រង់គេជារឿយៗ។
អ្នកកើតឆ្នាំរកា - មាន់
នៅល្បាក់ស្រករ ២០ ជីវិតដូចខ្លែងអណ្តែតតាមខ្យល់ គ្មានទិសគ្មានដៅច្បាស់លាស់ ជួនខ្លះក៏ឡើង ជួនខ្លះក៏ចុះ ដោយមិនដឹងមូលហេតុច្បាស់។ តែយ៉ាងណា ឆ្លងផុតក្បាលបី ចូលក្រោយ ៣៥ ឆ្នាំឡើងទៅនោះ ចាំមើលជីវិតម្ចាស់ឆ្នាំរកា នឹងប្រទះឃើញតែក្រឡាមានបាន កើតការរាប់អានរវាងអ្នកធំ អ្នកមានឋានៈខ្ពស់ជាងខ្លួន ទទួលបានការស្រលាញ់ចូលចិត្ត ផ្តល់ឱកាសឲ្យច្រើនផងដែរ។
អ្នកកើតឆ្នាំច - ឆ្កែ
ពីក្មេងខំប្រឹងណាស់ដែរ តែសំណាងមិនទាន់មកដល់ យ៉ាងណាសរសើរមនុស្សនេះ ទោះខំ មិនកើតផល ក៏នៅតែដាក់ឆន្ទៈ មិនចេះខ្ជិលច្រអូសដូចមនុស្សដទៃឡើយ។ ក៏អរគុណដល់ការព្យាយាម បូកផ្សំ នឹងពេលវេលានៃការឡើងយុីអ៊ុនត្រូវចូលមកដល់ផង បន្ទាប់អាយុ ៣៥ ឆ្នាំ អ្នកខ្លះ ទើបរៀបការថ្មីថ្មោង ខ្លះមានកូនហៅ ហៅម៉ាក់ ក៏ដល់វ័យរស់នៅលើគំនរទ្រព្យ ការលំបាកខ្ចាត់ទៅឆ្ងាយ កើតតែការសប្បាយ សើចកក្អាយក្នុងក្រុមគ្រួសារ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
