រៀនធ្វើមនុស្សឆ្លាត! រឿង ៣ យ៉ាង មានតែមនុស្សល្ងង់ទេដែលធ្វើជាប្រចាំ
ធ្វើជាមនុស្សត្រូវចេះឆ្លាត ជាពិសេសក្នុងជីវិតប្រចាំថ្ងៃ ពាក្យសម្ដី និងទង្វើ គ្រាន់តែធ្វើ និងនិយាយចេញទៅ ក៏គេអាចដឹងបានហើយថា អ្នកជាមនុស្សល្ងង់ ឬឆ្លាត។ យ៉ាងណាមិញ មានរឿង ៣ យ៉ាង មនុស្សឆ្លាតគេមិនធ្វើឡើយ តែយ៉ាងណាក៏ដោយ មនុស្សល្ងង់រមែងធ្វើជាប្រចាំ នេះពិតជាមិនល្អទាល់តែសោះ។
១. តែងគិតថាខ្លួនត្រូវ
មនុស្សល្ងង់មានទំនោរអភិរក្សនិយម មិនព្រមស្តាប់ តែងតែគិតថាខ្លួនត្រូវ។ មិនថាពីមុនអ្នកល្អប៉ុណ្ណាក៏ដោយ ប៉ុន្តែប្រសិនបើអ្នកមិន "បើកចិត្ត" ដើម្បីស្រូបយកចំណេះដឹងថ្មីៗ។ នៅទីបញ្ចប់ អ្នកគ្រាន់តែជាមនុស្សល្ងង់ដែលមានគំនិតហួសសម័យតែប៉ុណ្ណោះ។
អ្នកអភិរក្សដែលធ្លាប់ "ចាក់ឫស" គឺពិបាកនឹងដកចេញ ចក្ខុវិស័យក៏បាត់បង់ ហើយវាពិបាកក្នុងការបន្តដំណើរទៅមុខដោយព្យុះនៃសម័យកាល។ មនុស្សល្ងង់ចូលចិត្តវាយតម្លៃខ្លួនឯង លើកតម្កើងខ្លួនហួស មិនគោរពអ្នកដទៃ មិនឱ្យតម្លៃដល់គំនិតរបស់អ្នកណាឡើយ។
ក្នុងករណីណាក៏ដោយ មនុស្សឆ្លាតវៃចេះដាក់ខ្លួន ចេះឱនលំទោន ជាពិសេសគឺ ចេះធ្វើល្ងង់។ ពួកគេមានភាពអត់ធ្មត់ មានឆន្ទៈក្នុងការស្តាប់ និងផ្លាស់ប្តូរយោបល់របស់ពួកគេ ប្រសិនបើចាំបាច់។ ផ្ទុយទៅវិញ មនុស្សល្ងង់តែងប្រកែកឥតឈប់ឈរ ហើយមិនប្រែចិត្តឡើយ បើទោះជាអ្នកដទៃមានអំណះអំណាងដ៏គួរឱ្យជឿក៏ដោយ។ «បើអ្នកមិនដឹងទេ អ្នកគួរពឹងលើបង្គោលដើម្បីស្តាប់ ក្រែងមានថ្ងៃដែលគ្រោះមហន្តរាយនឹងបក់មក»។
២. តែងតែបន្ទោសអ្នកដទៃ
មនុស្សល្ងង់តែងតែបន្ទោសអ្នកដទៃ កាលៈទេសៈ លក្ខខណ្ឌធម្មជាតិ ជោគវាសនា... និយាយឱ្យខ្លីទៅ អ្វីៗសុទ្ធតែអាចទៅរួច លើកលែងតែខ្លួនឯង។ វិធីនៃការគិតនេះគឺបង្កប់យ៉ាងជ្រៅនៅក្នុងសរសៃរបស់មនុស្សប្រភេទនេះ ដែលវាបានក្លាយជាការឆ្លុះបញ្ចាំងពីធម្មជាតិ ដែលកែមិនឡើង។ គួរបញ្ជាក់ផងដែរ បើអ្នកដទៃផ្ដល់យោបល់ ជំនួសឱ្យការដឹងគុណ នោះគេនឹងប្រែជាខឹង និងរំខាន។
មនុស្សដែល "ប្រកាសខ្លួនឯងថាឆ្លាត" គួរតែចងចាំថា មនុស្សឆ្លាតពិតប្រាកដ នឹងមិនបន្ទោសអ្នកដទៃទេ ប៉ុន្តែតែងតែហ៊ានទទួលរាល់កំហុសឆ្គង។ ការទទួលយកកំហុសរបស់អ្នក នឹងមិនត្រូវបានគេចំអកឡើយ ប៉ុន្តែនឹងទទួលបានការគោរពពីអ្នកជុំវិញ។ ដោយសារតែមនុស្សមិនល្អឥតខ្ចោះ គ្មានមនុស្សណាល្អគ្រប់ដប់នោះទេ កំហុសគឺចៀសមិនរួច ដូច្នេះហើយ ខុសត្រូវដឹងខុស ខុសចេះកែ គ្មានអ្វីដែលត្រូវខ្មាសអៀននោះឡើយ។
៣. តែងគិតថាខ្លួនឆ្លាត ពូកែជាងអ្នកដទៃ
“មនុស្សឆ្លាតពិតដូចជាគ្រាប់ស្រូវ។ កាលនៅខ្ចី ពួកគេលើកក្បាលខ្ពស់ ពោរពេញដោយមោទកភាព។ ប៉ុន្តែពេលគ្រាប់ពូជទុំហើយរឹងមាំ វាចាប់ផ្ដើមឱនចុះ»។ កាលពីមុន អ្នកប្រាជ្ញតែងតែស្រូបយកសីលធម៌នៃការបន្ទាបខ្លួន ធ្វើឱ្យមនុស្សចេះដឹង កាន់តែដាក់ខ្លួន ឱនលំទោន។
ទន្ទឹមនឹងនេះ មនុស្សល្ងង់បង្ហាញថាពួកគេឆ្លាតជាងអ្នកដទៃ ងើយក្បាល ក្រអឺតក្រទម។ ទោះជាយ៉ាងណាក៏ដោយ ពួកគេនឹងរកវិធីដើម្បីរៀបចំ និងទម្លាក់គូប្រកួតដោយសារតែភាពអាត្មានិយមរបស់ពួកគេ។ បើអ្នកនៅតែបន្តចរិត ទម្លាប់បែបនេះ អ្នកច្បាស់ជាជួបគ្រោះមហន្តរាយនៅថ្ងៃណាមួយ៕
ប្រភព ៖ បរទេស / Knongsrok
ព័ត៌មានថ្មីៗ
