មនុស្សស្រីឆ្នាំទាំង ៣ ពូកែទាំងការងារផ្ទះ និងការរកលុយ ក៏ជាមនុស្សស្រីសំណាងក្នុងរឿងលុយកាក់ និងស្នេហាផងដែរ
មនុស្សស្រីឆ្នាំទាំង ៣ ជាកំពូលស្ត្រីដែលឆ្លាត ឈ្លាសវៃ មានសមត្ថភាព ពូកែទាំងការងារក្នុង និងការងារក្រៅ ជាពិសេសពូកែររកលុយ ហើយក៏ជាស្ត្រីដែលមានសំណាងច្រើនក្នុងរឿងស្នេហាផងដែរ។
១) ស្ត្រីឆ្នាំរោង៖ ឆ្នាំរោង៖ កើតមកជាមួយនឹងចរិតថ្លៃថ្នូរ ស្ត្រីកើតឆ្នាំរោង តែងតែបញ្ចេញរស្មីខ្លាំងក្លា និងទាក់ទាញការចាប់អារម្មណ៍ពីគ្រប់គ្នាជុំវិញខ្លួន ។ នៅកន្លែងធ្វើការ ពួកគេមានភាពម៉ឺងម៉ាត់ រឹងមាំ និងមានសមត្ថភាពដឹកនាំ។ ជាពិសេស ជាមួយនឹងភាពមោះមុត និងភាពវៃឆ្លាត របស់មនុស្សដែលកើតក្នុងឆ្នាំរោង តែងតែធ្វើការសម្រេចចិត្តត្រឹមត្រូវ និងនាំក្រុមទៅរកភាពជោគជ័យរាប់មិនអស់។ ស្ត្រីកើតឆ្នាំរោង មិនត្រឹមតែមានការងារជោគជ័យប៉ុណ្ណោះទេ ថែមទាំងជាប្រពន្ធល្អ និងម្តាយល្អទៀតផង។ ពួកគេដឹងពីរបៀបថែរក្សា និងចិញ្ចឹមគ្រួសាររបស់ពួកគេ ដូច្នេះហើយផ្ទះរបស់ពួកគេតែងតែពោរពេញដោយក្តីស្រឡាញ់។
ស្ត្រីដែលកើតក្នុងឆ្នាំរោង មានភាពមោះមុតក្នុងការរកស៊ី ដូច្នេះហើយពួកគេតែងតែចាប់យកឱកាសវិនិយោគបានល្អ និងចេះគ្រប់គ្រងហិរញ្ញវត្ថុឱ្យមានប្រសិទ្ធភាព។ ដោយសារតែនោះ ពួកគេងាយស្រួលរកប្រាក់ចំណេញយ៉ាងច្រើន ហើយទ្រព្យសម្បត្តិរបស់ពួកគេកើនឡើងពីមួយថ្ងៃទៅមួយថ្ងៃ។ ពួកគេអាចទិញរបស់ថ្លៃៗសម្រាប់ខ្លួនឯង និងគ្រួសារ ហើយរស់នៅបានស្រួលដោយមិនខ្វល់ខ្វាយរឿងលុយកាក់។
២) ស្ត្រីឆ្នាំរកា៖ មិនត្រឹមតែឆ្លាតវៃ និងឧស្សាហ៍ព្យាយាមប៉ុណ្ណោះទេ ស្ត្រីឆ្នាំរកា ក៏ត្រូវបានគេចាត់ទុកយ៉ាងខ្លាំងចំពោះគំនិតរហ័សរហួន និងការឆ្លើយតបដែលអាចបត់បែនបាន។ នៅកន្លែងធ្វើការ ពួកគេមិនត្រឹមតែជាសហការីដែលមានទេពកោសល្យ និងមានទំនួលខុសត្រូវប៉ុណ្ណោះទេ ប៉ុន្តែថែមទាំងត្រូវបានថ្នាក់លើក៏ស្ញើចចំពោះសមត្ថភាពការងារដ៏ល្អឥតខ្ចោះរបស់ពួកគេ។ លើសពីនេះ ស្ត្រីឆ្នាំនេះក៏មានផ្នត់គំនិតអាជីវកម្មល្អ និងមានភាពរសើបចំពោះតួលេខ ដូច្នេះឱកាសក្នុងការរកលុយនៅតែគោះទ្វារ។ ក្រៅពីការបំពេញការងារបានល្អ ស្ត្រីដែលកើតក្នុងឆ្នាំរកា ក៏ជាភរិយាដែលមានធនធាន មានទំនួលខុសត្រូវ ដែលចេះគ្រប់គ្រងការចំណាយរបស់ខ្លួនឲ្យបានសមរម្យ។ ប្រហែលជានោះហើយជាមូលហេតុដែលហិរញ្ញវត្ថុគ្រួសាររបស់ពួកគេតែងតែមានស្ថិរភាព ហើយជីវិតរបស់ពួកគេតែងតែពេញ។ ទន្ទឹមនឹងនោះ អ្នកដែលកើតឆ្នាំរកា ក៏ចេះធ្វើខ្លួនយ៉ាងប៉ិនប្រសប់ សុភាពរាបសារ និងចុះសម្រុងនឹងទំនាក់ទំនងជុំវិញខ្លួនបានល្អ ដូច្នេះហើយបរិយាកាសក្នុងគ្រួសារតែងតែមានភាពចុះសម្រុងគ្នា។ នៅពេលនិយាយអំពីស្ត្រីឆ្នាំមាន់ក៏ជាមនុស្សដែលមានចរិតល្អ ក្លាហាន ឆ្លាតវៃ និងសុភមង្គលទាំងក្នុងអាជីព និងជីវិតអាពាហ៍ពិពាហ៍។
៣) ស្ត្រីឆ្នាំកុរ៖ ក្នុងចំណោមឆ្នាំទាំង១២នេះ អ្នកឆ្នាំជ្រូកជាមនុស្សមានចរិតស្លូតបូត មានចរិតល្អ។ មិនត្រឹមតែប៉ុណ្ណោះ ពួកគេក៏មានភាពរីករាយ មានសុទិដ្ឋិនិយម និងជាជីវិតស្នេហា។ មិនថាមនុស្សទាំងនេះទៅទីណា និងកន្លែងណាដែលពួកគេធ្វើការ ពួកគេត្រូវបានមិត្តភក្តិ និងមិត្តរួមការងារស្រឡាញ់ចូលចិត្ត។ ចំពោះស្ត្រីដែលកើតក្នុងឆ្នាំជ្រូក សុទ្ធតែជាខ្នងបង្អែកដ៏រឹងមាំក្នុងគ្រួសារ ឈរក្បែរស្វាមីពេលជួបការលំបាក និងជួយជ្រោមជ្រែង និងលើកទឹកចិត្តអស់ពីចិត្ត។ ស្ត្រីដែលកើតក្នុងឆ្នាំជ្រូកមានសំណាង ហើយប្រៀបដូចជា “ផ្កាយនៃក្តីសង្ឃឹម” សម្រាប់អ្នកជុំវិញខ្លួន។ ក្រោយរៀបការហើយ ស្វាមីតែងមានមុខរបរជោគជ័យ ហើយទ្រព្យសម្បត្តិក៏ហូរចូលមកដែរ។ មនុស្សស្រីកើតឆ្នាំជ្រូកក៏ជាមនុស្សចេះរស់នៅ និងពូកែមើលថែគ្រួសារណាស់។ ពួកគេចូលចិត្តធ្វើម្ហូប តុបតែងផ្ទះ និងផ្តល់ភាពកក់ក្តៅដល់គ្រួសារ ដូច្នេះហើយផ្ទះរបស់អ្នកឆ្នាំជ្រូកនេះតែងតែពោរពេញទៅដោយបរិយាកាសដ៏កក់ក្តៅ និងសប្បាយរីករាយ៕
ព័ត៌មានថ្មីៗ
