កំហឹងនឹងបំផ្លាញកុសលបុណ្យសំណាង និងសុភមង្គល កំហឹង ៧០% ច្រើនកើតឡើងនៅក្នុងគ្រួសារ
គ្រប់គ្នាសុទ្ធតែដឹងច្បាស់ណាស់ថា កំហឹង នឹងនាំមកនូវតែភាពវិនាស ក្ដៅក្រហាយធ្វើឱ្យមានការបែកបាក់ ប្រេះឆាជាមួយនឹងមនុស្សជុំវិញខ្លួន កំហឹងក៏នឹងដុតតែខ្លួនឯង ហើយក៏មានគ្រួសារជាច្រើន ដែលជួបប្រទះនូវបញ្ហា ឈ្លោះទាស់គ្នា ស្ទើរតែ ៧០% ទៅហើយ ដែលនាំឱ្យបែកបាក់ព្រោះតែកំហឹងនេះឯង។
១. យល់តែអារម្មណ៍ខ្លួនឯង ៖ ភាពរីករាយ ទុក្ខព្រួយ សោកសៅ អារម្មណ៍ប្រភេទនេះគឺជារឿងធម្មតារបស់មនុស្ស។ ពេលសប្បាយ ក៏សើច ពេលពិបាកចិត្ត ក៏យំ មិនសមបំណង មិនបានដូចចិត្ត ក៏មួម៉ៅ ខឹងសម្បារកើតឡើង។ ដូច្នេះជំងឺនឹងកើតឡើងប្រសិនបើយើងតែងតែសោកសៅឥតល្ហែបែបហ្នឹង។
២. មនុស្សជាច្រើនស្លាប់មិនមែនដោយសារចាស់ទេ តែដោយសារខឹងច្រើនពេក ៖ មានមនុស្សជាច្រើន ដែលបណ្ដោយឱ្យការស្អប់ ការខឹង ក្លាយជាកំហឹង មនុស្សខ្លះ ខឹងខ្លាំងរហូតដល់ស្លាប់ក៏មាន។ ក្នុងនាមជាមនុស្សធម្មតា អ្នកប្រាកដជាមានអារម្មណ៍ ហើយពិបាកនឹងគ្រប់គ្រងកំហឹងណាស់។ ប៉ុន្តែប្រសិនបើអ្នកមិនអាចគ្រប់គ្រងខ្លួនឯងបាន អារម្មណ៍របស់អ្នកនឹងគ្រប់គ្រងអ្នកជាមិនខានឡើយ។
៣. ៧០% នៃជំងឺគឺទាក់ទងនឹងគ្រួសារ ៖ បើនៅផ្ទះយើងឈ្លោះគ្នាជារៀងរាល់ថ្ងៃ សូម្បីតែរឿងតូចតាច តើគ្រួសារនោះមានសន្តិភាពយ៉ាងណា? ភាពឯកកោគឺអាក្រក់ជាងភាពក្រីក្រ។ លុះពេលប្ដីប្រពន្ធរួមរស់ជាមួយក្នាដោយសុខសាន្តទើបអាចរស់នៅបានអាយុវែង។ ប្រសិនបើគូស្វាមីភរិយាតែងតែមានបញ្ហា នោះអាយុជីវិតរបស់ពួកគេក៏នឹងខ្លីតាមនោះដែរ។ បើជីវិតអ្នកចេះតែត្អូញត្អែរ និងខឹង ធ្វើម៉េចនឹងមានពេលធ្វើការ រកលុយបានទៅ? បើចង់បានគ្រួសារចុះសម្រុងគ្នា ត្រូវប្រព្រឹត្តបីយ៉ាងជាឫសគល់
- គ្រួសារល្អ គឺជាកន្លែងដែលប្ដីប្រពន្ធស្រលាញ់គ្នាដំបូង។ ត្រូវតែមានការគោរព និងការគាំទ្ររវាងស្វាមី និងភរិយា។
- អប់រំកូន ៖ កូន និងចៅក្នុងគ្រួសារ គឺជាអនាគតរបស់គ្រួសារ ដូច្នេះត្រូវអប់រំពួកគេឱ្យបានល្អ។
- គោរពមនុស្សចាស់ ៖ មនុស្សចាស់គឺជាឫសគល់នៃគ្រួសារ។ សមាជិកគ្រួសារដែលមិនគោរព និងព្យាបាលឫសរបស់ពួកគេបានល្អនឹងមិនអាចមានស្លឹកបៃតងលាស់ខ្ចីបន្តបានឡើយ។
៤. យល់ពីមនុស្សដែលអ្នកស្រលាញ់ ៖ មិនត្រឹមតែស្រលាញ់កាលនៅក្មេងទេ តែពេលចាស់ក៏ត្រូវស្រឡាញ់ដៃគូឱ្យបានច្រើនជាងនេះទៅទៀត។ មិនត្រឹមតែស្រឡាញ់ដៃគូពេលគេមានសុខភាពល្អប៉ុណ្ណោះទេ ប៉ុន្តែក៏ស្រឡាញ់ចំណុចខ្សោយរបស់គាត់ពេលឈឺដែរ។ មនុស្សដែលតែងតែខឹង ចិត្តចង្អៀត មនុស្សបែបនេះនឹងប៉ះពាល់ដល់សុខភាពខ្លាំងណាស់។ កុំឱ្យអ្នកដទៃខឹងនឹងអ្នក ហើយកុំខឹងនឹងអ្នកដទៃដូចគ្នា៕
ព័ត៌មានថ្មីៗ
