កាន់តែចាស់កាន់តែស្ដាយ! រឿង ៣ យ៉ាង ដែលធ្វើឱ្យយើងសោកស្ដាយខ្លាំងបំផុត ព្រោះពីក្មេងមិនសូវឱ្យតម្លៃ និងថែរក្សា
ដូចពាក្យចាស់តែងផ្ដាំថា ចង់ធ្វើអ្វីក៏ធ្វើទៅទាន់នៅក្មេង កុំសាងកំហុសច្រើនពេក ចាស់ទៅនាំតែស្ដាយក្រោយ។ យ៉ាងណាក៏ដោយ ដោយសារតែមានមេរៀន ទើបចាស់ៗតែងផ្ដាំបែបនេះ ជាពិសេសក្នុងរឿងទាំង ៣ យ៉ាងនេះ ដែលធ្វើឱ្យមនុស្សជាច្រើនកើតអារម្មណ៍នឹកឡើងសោកស្ដាយ នៅពេលដែលចាស់ ក៏គិតថា ហួសពេលហើយ។
១. នៅក្មេងធ្វេសប្រហែសចំពោះសុខភាព
វ័យចំណាស់ជាវ័យដែលមានសុភមង្គល គ្រានោះកូនៗបានរៀបការហើយមានលុយកាក់ច្រើន។ ប៉ុន្តែមានមនុស្សចាស់ជាច្រើនដែលមិនអាចចំណាយពេលជាមួយកូនៗ តែបែរជាចំណាយពេលភាគច្រើននៅមន្ទីរពេទ្យ។ មូលហេតុគឺកាលពីក្មេង ពួកគាត់មិនសូវខ្វល់យកចិត្តទុកដាក់ថែរក្សាសុខភាពទេ ប៉ុន្តែដល់ពេលដេកលើគ្រែពេទ្យ ហើយមិនអាចធ្វើអ្វីបានតាមចិត្តបាន។
លើលោកនេះគ្មានអ្វីមានតម្លៃជាងសុខភាពនោះទេ។ សុខភាពជារបស់ដែលគ្មានទ្រព្យសម្បត្តិអាចដោះដូរបានឡើយ។ ពេលលុយបាត់អាចរកបានវិញ តែបើសុខភាពបាត់ទៅ ជីវិតក៏បាត់ទៅដែរ។ ដូច្នេះកុំប្រើសុខភាពជាថ្នូរនឹងលុយ ទោះចាយប៉ុន្មានក៏មិនអាចទិញសុខភាពបានដែរ។
២. មិនសូវមានឱ្យកូនៗ
នៅពេលសួរថា តើមនុស្សចាស់ស្ដាយអ្វីជាងគេ ប្រហែលជាចម្លើយគឺកាលពីមុន ពួកគេចំណាយពេលជាមួយកូនតិចពេក ព្រោះតែរវល់រកលុយនៅខាងក្រៅ។ នៅពេលកូនធំឡើង ពួកគេរវល់រកលុយ ហើយមិនអាចមកផ្ទះដើម្បីមើលថែឪពុកម្តាយបានញឹកញាប់។ បើពេលកូននៅក្មេង ឪពុកម្តាយច្រើនតែនៅជាមួយពួកគេ បន្ទាប់មកពេលឪពុកម្តាយចាស់ កូនក៏នៅជាមួយឪពុកម្តាយដែរ។
៣. លែងលះក្នុងវ័យកណ្តាល ចាស់ទៅត្រូវរស់នៅឯកាតែម្នាក់ឯង
ភាពឯកោជុំវិញមនុស្សចាស់ជាច្រើន មានមនុស្សជាច្រើនដែលពេលសប្បាយចិត្តមិនដឹងគុណប្រពន្ធកូន។ ដោយសារតែកំហុសឆ្គងមួយពេល អ្នកត្រូវបាត់បង់អ្វីដែលសំខាន់បំផុត។ ក៏មានគ្រួសារដែលលែងលះគ្នាក្នុងវ័យកណ្តាលផងដែរ មូលហេតុគឺប្តីប្រពន្ធតែងតែឈ្លោះប្រកែកគ្នា ហើយមិនអាចរស់នៅជាមួយគ្នាបានទៀតទេ ទើបពួកគេបែកគ្នា។ លុះដល់អាយុទើបយើងយល់ថាឈឺចាប់ប៉ុនណាដែលគ្មានដៃគូ។
ពេលមនុស្សពីរនាក់រៀបការហើយ ពួកគេគ្រាន់តែចង់រៀបការនៅក្មេង ហើយនៅជាមួយគ្នារហូតដល់ចាស់។ តើអ្វីជាការសោកស្តាយធំបំផុតរបស់អ្នក? ប្រាកដណាស់វាជាស្នាមដែលមិនអាចលុបបានដោយខ្លួនឯង។ លុះត្រាតែយើងជួបលទ្ធផលមិនល្អ ទើបយើងសោកស្តាយ ប៉ុន្តែយើងមិនអាចកែប្រែវាបាននោះឡើយ៕
ព័ត៌មានថ្មីៗ
