ចង់បញ្ចៀសមហារីកថ្លើម ចង់ឲ្យថ្លើមមានសុខភាពល្អ កុំភ្លេចធ្វើរឿង ២ នេះមុនចូលគេង
នៅក្នុងអត្ថបទនេះ Knongsrok ណែនាំពីវិធីថែរក្សាថ្លើម និងធ្វើឲ្យថ្លើមមានសុខភាពល្អ អាចបញ្ចៀសជំងឺផ្សេងៗបាន។ ជាការពិតអ្នកត្រូវដឹងថា មុខងាររបស់ថ្លើមគឺសំខាន់ណាស់ វាដើរតួក្នុងការបន្សាបជាតិពុលនានាក្នុងរាងកាយ ដូច្នេះហើយប្រសិនថ្លើមមិនល្អ នោះជាតិពុលក៏នឹងកកកុញច្រើនដូចគ្នា។
មុនចូលគេង អ្នកត្រូវចំណាយពេលធ្វើរឿង ២ នេះ ដោយវាជាទម្លាប់អាចជួសជុលកោសិកាថ្លើម ជួយឲ្យថ្លើមរឹងមាំ និងមានសុខភាពល្អឡើងវិញ៖
២) ផឹកទឹកមួយកែវមុនចូលគេង
នេះជាដំបូន្មានដែលអ្នកត្រូវតែអនុវត្តកុំខាន ដោយការបង្កើតទម្លាប់ទទួលទានទឹកក្ដៅឧណ្ហ៍ៗ មួយកែវមុនចូលគេង គឺវាពិតជាល្អខ្លាំងណាស់សម្រាប់ថ្លើម។ យើងដឹងហើយថា ការទទួលទានទឹក វានឹងជួយកាត់បន្ថយការប្រមូលផ្តុំជាតិពុលកកកុញក្នុងថ្លើម ហើយថែមទាំងកាត់បន្ថយខ្លាញ់រុំថ្លើមបានថែមទៀតផង។
មិនត្រឹមតែប៉ុណ្ណឹងទេ វាក៏ល្អទាំងសម្រាប់តម្រងនោម ក្នុងការបញ្ចុះជាតិពុលនៅព្រឹកបន្ទាប់ និងល្អសម្រាប់សរីរាង្គទាំងមូលនៅរាងកាយរបស់មនុស្ស។
១) ធ្វើអារម្មណ៍ឲ្យរីករាយ
ចំណាយពេល ១០ នាទី បង្វឹកខួរក្បាលខ្លួនឯងឲ្យផ្អាកការគិតរឿងរ៉ាវអវិជ្ជមានទាំងអស់សិន ហើយគិតថា ថ្ងៃបន្ទាប់សឹមបន្តខួរក្បាលគិតទៅលើរឿងទាំងអស់នោះទេ។ ចូរប្រើប្រាស់ពេល ១០ នាទីស្តាប់ចម្រៀងលួងចិត្តថ្នមៗ អានសៀវភៅមុនចូលគេង ឬក៏សម្លឹងទៅលើរូបភាពធម្មជាតិណាមួយដែលនៅលើជញ្ជាំង បន្លប់ចិត្តខ្លួនឯងដល់បិទភ្នែកគេងលក់។
តាមក្បួនចិន គេជឿថា ការដែលមានអារម្មណ៍ល្អមុនចូលគេង វានឹងជួយឲ្យចរន្តឈាមរត់ស្រួល ថ្លើមក៏ដើរល្អផងដែរ។ ដូច្នេះចូរទម្លាប់ខ្លួនឯង ឲ្យទទួលបានអារម្មណ៍ស្រស់ស្រាយមុនចូលគេង ជៀសវាងការខឹងសម្បា ការអន់ចិត្ត ការយំដោយសាររឿងមិនសប្បាយចិត្តណាមួយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
