ថ្នាំគ្រាប់មិនសុទ្ធតែល្អ! ៣ ប្រភេទនេះ ហ៊ានតែលេបច្រើន អាចនាំឲ្យខូចថ្លើម ខ្សោយក្រលៀន
មានថ្នាំមួយចំនួន ដែលអ្នកមិនចេះតែប្រើតាមចិត្តចង់នោះទេ ពោលគួរស្តាប់តាមការណែនាំរបស់គ្រូពេទ្យជំនាញ ព្រោះអីជៀសវាងអាចនាំឲ្យខូចថ្លើម ក្រលៀន និងតម្រងនោមជាដើម។ Knongsrok ណែនាំនូវថ្នាំ ៣ ប្រភេទ បើជៀសបានអ្នកមិនគួរទទួលទានឡើយ ហើយបើលេប ក៏គួរអនុវត្តតាមវេជ្ជបញ្ជារបស់គ្រូពេទ្យ៖
៣) ថ្នាំសម្រកទម្ងន់
គ្រប់ថ្នាំសម្រកទម្ងន់ ត្រូវប៉ាន់មនុស្សស្រីភាគច្រើន។ អ្នកប្រហែលជាមិនចាប់អារម្មណ៍នោះទេ ថាពេលទទួលទានវា អ្នកនឹងមានអាការៈនោមញឹកជាងធម្មតា ក៏ដោយសារតែថ្នាំប្រភេទនេះ វាដាក់បន្ទុកទៅលើតម្រងនោមរបស់អ្នកខ្លាំងណាស់ យូរទៅ អាចនាំឲ្យខូចមុខងារតម្រងនោមទៀតផង។
យោងតាមការសិក្សាបង្ហាញថា ការប្រើប្រាស់ថ្នាំសម្រកទម្ងន់ដែលមានផ្ទុក Aristolochic acid 1 គឺវាប្រៀបដូចជាជាតិពុល ដែលស្ថិតនៅកម្រិតខ្ពស់ អាចបំផ្លាញសរីរាង្គតម្រងនោម យូរទៅអាចវិវត្តទៅជាជំងឺតម្រងនោមរាំរ៉ៃ។ ជារួមអ្នកត្រូវសិក្សាពីវាឲ្យបានច្បាស់ យល់ដឹងពីកម្រិត ពីបរិមាណ ដែលប្រើប្រាស់ទៅមិនប៉ះពាល់ដល់សុខភាព។
២) ថ្នាំគ្រុន ផ្តាសាយ
សព្វថ្ងៃនេះ មនុស្សមួយចំនួននៅតែមិនបោះបង់ទម្លាប់ប្រើប្រាស់ថ្នាំផ្សំ ដែលមានដូចជាថ្នាំ ប៉ារ៉ាសេតាមុល និងហ្វេណុល។ ថ្នាំប្រភេទនេះ វាអាចបំបាត់ការឈឺចាប់ បន្ថយគ្រុនក្តៅ តែបើប្រើយូរ និងក្នុងបរិមាណច្រើនជ្រុល នោះអាចធ្វើឲ្យខូចតម្រងនោម ខូចថ្លើម ដូច្នេះសូមប្រុងប្រយ័ត្នឲ្យបានខ្ពស់នៅពេលប្រើប្រាស់វា។
១) ថ្នាំបំបាត់ការឈឺចាប់
ប្រភេទថ្នាំបំបាត់ការឈឺចាប់ ក៏មិនណែនាំឲ្យទទួលទានច្រើនពេកដែរ តួយ៉ាងដូចប្រភេទថ្នាំ Indomethacin, meloxicam ដែលយូរទៅអាចបណ្តាលឲ្យខ្សោយតម្រងនោម ជំងឺសរសៃប្រសាទជាដើម។
ការទទួលទានដល់ទៅ ១៥ ក្រាម/ថ្ងៃ គឺរាប់បានថាលើសកម្រិតហើយ។ ជាពិសេសបើអ្នកមានប្រវត្តិកើតជំងឺតម្រងនោម ចាំបាច់ត្រូវតែជៀសវាងប្រើប្រាស់វា ប្រសិនមានជម្រើសផ្សេង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
