មិនមែនសន្សំលុយទេ តែដូចសន្សំជំងឺ! នេះផលប៉ះពាល់ធំ ៤ បង្កពីការប្រើប្រាស់ប្រេងឆានៅសល់
ដើម្បីជាការសន្សំសំចៃ ក្នុងក្រុមគ្រួសារជាច្រើនតែងតែប្រើប្រាស់នូវប្រេងឆាដែលធ្លាប់ប្រើប្រាស់រួចហើយ ឬប្រេងឆាសល់ យកមកប្រើវាជាថ្មី តែពួកគេពុំបានដឹងនោះទេ ថាវាអាចបង្កជំងឺជាច្រើនមកដល់រាងកាយ។ មិនមែនជាការបន្លាច តែគឺជាការពិត ខាងក្រោម Knongsrok បង្ហាញផលប៉ះពាល់ធ្ងន់ធ្ងរ ៤ ពីការប្រើប្រាស់ប្រេងឆាដែលនៅសល់៖
៤) ហានិភ័យនៃជំងឺមហារីក
ប្រេងឆា ខ្លាញ់ ពេលចៀននៅសីតុណ្ហភាពខ្ពស់ វានឹងកើតមានប្រតិកម្មគីមី ហើយផលិតឡើងនូវ Aldehydes ជាសារធាតុបង្កគ្រោះថ្នាក់ដល់សុខភាព។ ប្រសិនអ្នកបន្តប្រើប្រាស់វាបន្តិចម្តងៗ យូរទៅជាតិពុលនឹងកើនឡើងកាន់តែ ខ្លាំង ហើយអាចបង្កជាជំងឺមហារីកផ្សេងៗមកកាន់រាងកាយ។
៣) ការកើនឡើងកូឡេស្តេរ៉ុលអាក្រក់
អាហារដែលចម្អិនជាមួយប្រេងដែលធ្លាប់ប្រើរួចហើយ គឺងាយនឹងបង្កើនកម្រិតកូលេស្តេរ៉ុលអាក្រល់ LDL មកក្នុងខ្លួន។ យូរទៅវាបង្កើនជាហានិភ័យនៃការកើតជំងឺបេះដូង ជំងឺដាច់សរសៃឈាមខួរក្បាល និងឈឺទ្រូង។
២) ការបញ្ចេញអាស៊ីដក្រពះច្រើន
ការទទួលទានប្រេងឆា ដែលធ្លាប់ប្រើប្រាស់រួចហើយ វានឹងបណ្តាលឲ្យមានអារម្មណ៍ឆេះនៅក្នុងក្រពះ និងបំពង់ក។ នេះយូរទៅ វានឹងធ្វើទុក្ខក្រពះ នាំឲ្យក្រពះត្រូវបញ្ចេញអាស៊ីដច្រើន។ ដូច្នេះហើយទើបគេណែនាំឲ្យជៀសវាងចាំបាច់ នូវការទទួលទានអាហារតាមចិញ្ចើមផ្លូវ ឬ Fast food ដែលភាគច្រើនគេប្រើប្រាស់ប្រេងឆាច្រើនលើកមកចម្អិន។
១) ការពុលអាហារ
នៅពេលដែលប្រេងប្រើរួច គេរក្សាទុកវាមិនបានត្រឹមត្រូវ នោះងាយបណ្តាលឲ្យមានការលូតលាស់បាក់តេរី បណ្តាលឲ្យអាហារដែលចម្អិនលាយជាមួយវា ទៅជាអាហារពុល អាចបង្កគ្រោះថ្នាក់ធ្ងន់ធ្ងរជាច្រើនដល់អាយុជីវិត ក្រោយពីយើងបានទទួលទានចូលពោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
