ទម្លាប់ ៣ នេះស្រីៗខ្ជិលខ្លះទៅមិនខុសទេ ព្រោះបើឧស្សាហ៍ពេកអាចឆាប់ចាស់ជាងវ័យ
ទម្លាប់រស់នៅប្រចាំថ្ងៃខ្លះ មិនសុទ្ធតែត្រូវឧស្សាហ៍ធ្វើវាញឹកញាប់ហើយល្អនោះទេ ទម្លាប់ខ្លះបើអ្នកដកឃ្លាបានខ្លះ នោះទើបជារឿងល្អទៅវិញ។ ខាងក្រោមយើងបង្ហាញពីចំណុចធំៗ ៣ ដែលស្រ្តីមិនគួរធ្វើវាញឹកញាប់ពេកនោះទេ៖
៣) កុំងូតទឹកញាប់ពេក
ការងូតទឹកសម្អាតខ្លួនជាប្រចាំ ដ្បិតជួយឲ្យយើងមានក្លិនខ្លួនល្អនិងស្រស់ស្រាយ តែវាអាចប៉ះពាល់សុខភាពស្បែកទៅវិញ។
តាមការស្រាវជ្រាវពីគ្រូពេទ្យជំនាញផ្នែកស្បែកនៅសហរដ្ឋអាមេរិក បានឲ្យដឹងថា អ្នកមិនគួរងូតទឹកលើសពី ២ ដង/ថ្ងៃនោះទេ ព្រោះដោយសារសាប៊ូដែលអ្នកយកមកដុសខ្លួនវាមានផ្ទុកសារធាតុគីមីសម្អាត ដែលយូរទៅធ្វើឲ្យស្បែកបាត់បង់សំណើម ក្លាយទៅជាស្បែកស្ងួតនិងគ្រើម។
២) កុំផ្លុំសក់ច្រើនពេក
ការផ្លុំសម្ងួតសក់ ជួយឲ្យសក់ឆាប់ស្ងួត មិននៅសើមដែលយើងពិបាកក្នុងការគេង ឬធ្វើឲ្យធំក្លិន។ ប៉ុន្តែបើអ្នកទម្លាប់ធ្វើវាញឹកញាប់ ហើយប្រើប្រាស់នៅខ្យល់ផ្លុំសីតុណ្ហភាពខ្ពស់ជ្រុល អាចនឹងងាយធ្វើឲ្យសក់ស្ងួត ឬបែកចុង។
តាមពិតទៅល្អបំផុត អ្នកគួរតែប្រើប្រាស់កន្សែងមកជូតវាថ្នមៗ ហើយប្រើប្រាស់ក្រែមបន្ទន់សក់មកលាបពីលើសរសៃសក់បន្តិច ឬសឹមផ្លុំតែក្នុងរយៈពេលខ្លីបានហើយ។ ធ្វើបែបនេះទើបធ្វើឲ្យសក់មិនងាយខូចទៅថ្ងៃមុខ។
១) កុំផាត់មុខច្រើនពេក
ធម្មជាតិឲ្យបានច្រើនតាមដែលអាចធ្វើទៅបាន កុំសូម្បីតែពេលគេងក៏ Makeup នោះ។ ការប្រើប្រាស់គ្រឿងសម្អាងច្រើន ងាយបណ្ដាលឲ្យស្ទះរន្ធញើស និងកើតមុនទៅវិញទេ ហើយបើអ្នកផ្អាប់គ្រឿងសម្អាងឲ្យនៅយូរលើស្បែកមុខ នោះយូរទៅស្បែកនឹងឡើងរលាក ឬឡើងកន្ទួល។
ដូច្នេះអ្នកគួរតែខ្ជិលទៅលើរឿង ៣ ដូចបង្ហាញខាងលើ ពោលមិនចាំបាច់ឧស្សាហ៍ពេកឡើយ នោះនឹងជួយឲ្យស្បែកស្រស់ស្អាតបែបធម្មជាតិ ហើយក្មេងជាងវ័យ និងគ្មានពាក្យថា "ឥឡូវចាស់ម្ល៉េះ" កើតឡើងមកឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
