បើជួបប្រុសចេញពីគ្រួសារ ៤ ប្រភេទនេះ ស្រីៗសុខចិត្តនៅព្រៅ ក៏មិនយកជីវិតទៅពាក់ព័ន្ធ ទាក់ទង សន្សំកម្មដាក់ខ្លួូននៅឡើយ នៅម្នាក់ឯងសប្បាយចិត្តជាង
តាមការសន្និដ្ឋានរបស់ស្ត្រីក្នុងពេលបច្ចប្បន្ននេះ មនុស្សស្រីឥឡូវសុខចិត្តនៅលីវរហូតដល់ចាស់ជរា ជាងរៀបការជាមួយបុរសដែលចេញពីគ្រួសារ ៤ ប្រភេទនេះ ជីវិតនឹងត្រូវជាប់គាំងគ្មានផ្លូវចេញ។ ការរៀបការជាមួយបុរសខុសប្រហែលជាបរាជ័យដ៏ធំបំផុតរបស់មនុស្សស្រី។
១) គ្រួសារដែលមានកេរ្តិ៍ឈ្មោះអាក្រក់ ៖ បច្ចុប្បន្ននេះ ស្ត្រីហាក់បីដូចជាមានសុជីវធម៌ និងការយល់ដឹងច្រើន ពួកគេតែងតែជ្រើសរើសគ្រួសារដែលមានលក្ខខណ្ឌសេដ្ឋកិច្ចល្អ កម្រមានអ្នកណាទទួលយកស្ថានភាពរខេករខាកណាស់។ ទោះជាយ៉ាងណាក៏ដោយ នៅពេលជ្រើសរើសដៃគូ មនុស្សស្រីមិនគួរផ្តោតលើរឿងសម្ភារៈច្រើនពេកទេ ប៉ុន្តែគួរតែយកចិត្តទុកដាក់បន្ថែមទៀតអំពីកិត្តិយស និងកេរ្តិ៍ឈ្មោះរបស់គ្រួសារដៃគូ។ គ្រួសារដែលមានទំនៀមទម្លាប់ល្អ អាចចិញ្ចឹមកូនល្អប្រកបដោយគុណធម៌។ សមាជិកគ្រួសារនឹងរស់នៅដោយសុខដុមរមនា និងស្រឡាញ់គ្នាទៅវិញទៅមក។ ជាមួយនឹងគ្រួសារដែលមានកេរ្តិ៍ឈ្មោះអាក្រក់ និងពាក្យចចាមអារ៉ាមជាច្រើនពីអ្នកជិតខាង អ្នកគួរតែពិចារណាដោយប្រុងប្រយ័ត្ន។ បុរសដែលកើតក្នុងគ្រួសារប្រភេទនេះមានភាគរយខ្ពស់ណាស់ ដែលពួកគេនឹងមានបុគ្គលិកលក្ខណៈអាក្រក់ កាត់តាមគ្រួសាររបស់គេ។
២) គ្រួសារដែលឪពុកម្តាយជ្រៀតជ្រែកក្នុងកិច្ចការរបស់កូនខ្លាំងពេក កូនមិនមានសិទ្ធិសម្រេចជីវិតខ្លួនឯងទេ ៖ រឿងដែលគួរឱ្យខ្លាចបំផុតសម្រាប់មនុស្សស្រីគឺ ដៃគូរបស់នាងគ្មានយោបល់ មិនដឹងខុសត្រូវ ហើយតែងតែស្តាប់ និងតាមតែឪពុកម្តាយបញ្ជា ឬសម្រេច។ ទន្ទឹមនឹងនោះ ធម្មជាតិរបស់ឪពុកម្ដាយ គឺតែងតែយកចិត្ដទុកដាក់ និងខ្វល់ខ្វាយចំពោះកូនៗ ប៉ុន្តែប្រសិនបើឪពុកម្ដាយជ្រៀតជ្រែកខ្លាំងពេក កូនរបស់ពួកគេប្រាកដជាបាត់បង់ភាពក្លាហាន។ ស្ត្រីសង្ឃឹមតែថាបុរសដែលខ្លួនរៀបការនឹងមានទំនួលខុសត្រូវ និងឯករាជ្យ។ នោះនឹងងាយនាំឱ្យមានការខកចិត្តបន្ទាប់ពីរៀបការរួច។ ជាងនេះទៅទៀត ប្រសិនបើគ្រួសារណាមួយជ្រៀតជ្រែកជ្រៅក្នុងកិច្ចការរបស់កូនៗ វានឹងពិបាកសម្រាប់ពួកគេក្នុងការសម្រេចចិត្តដោយខ្លួនឯងនាពេលអនាគត។
៣) គ្រួសារដែលឱ្យតម្លៃសម្ភារៈនិយម ចូលចិត្តអួតសម្ញែង ហើយមានមោទនភាពខ្លាំងចំពោះអ្នកដទៃ ៖ អ្នកដែលឱ្យតម្លៃសម្ភារៈ គឺជាប្រភេទមនុស្សដែលចូលចិត្តអួតសម្ញែង។ គ្រួសារដែលឱ្យតម្លៃលើវត្ថុសម្ភារៈច្រើនតែប្រើលុយ និងប្រាក់ចំណូលជាលក្ខណៈវិនិច្ឆ័យចម្បងដើម្បីវាយតម្លៃ និងវាស់វែងអ្វីៗគ្រប់យ៉ាង។ ការរៀបការជាមួយបុរសប្រភេទនេះ ច្បាស់ជាធ្វើឱ្យមនុស្សស្រីនឿយហត់ ហើយយូរៗទៅនឹងបង្កើតឱ្យមានការថប់ដង្ហើម ព្រោះការមិនចេះគោរព ។ មនុស្សស្រីជាច្រើនត្រូវបានជ្រួតជ្រាបនៅក្នុងអ្វីដែលហៅថាស្នេហាពិត ហើយត្រូវបានលេបត្របាក់ដោយភាពផ្អែមល្ហែមនៅចំពោះមុខពួកគេ។ មានតែក្រោយរៀបការទេ ទើបគេអាចដឹងថាជីវិតនេះពោរពេញទៅដោយរឿងតូចតាច និងមិនសមហេតុសមផលគ្រប់ប្រភេទ។
៤) គ្រួសារតែងតែមានជម្លោះ ឈ្លោះទាស់រវាងសាច់ញាតិ និងបងប្អូនបង្កើត ៖ បុរសដែលធំឡើងក្នុងបរិយាកាសដែលឪពុកម្តាយស្រឡាញ់គ្នា និងពោរពេញដោយកក់ក្តៅ ប្រាកដជាមានទំនួលខុសត្រូវខ្ពស់ ចេះស្រលាញ់ និងគោរពឱ្យតម្លៃស្ត្រី។ ទន្ទឹមនឹងនោះ អ្នកដែលរស់នៅក្នុងបរិយាកាសដែលមានតែការឈ្លោះប្រកែកគ្នា និងជម្លោះនឹងមានភាពលំបាកជាធម្មតា នឹងត្រូវបានបង្ខូចទ្រង់ទ្រាយ និងមានតែភាពអវិជ្ជមាន។ ជាពិសេស បុរសដែលធំឡើងក្នុងបរិយាកាសបែបនេះ តែងតែមានបុគ្គលិកលក្ខណៈមិនច្បាស់លាស់ ថែមទាំងបង្កើតបុគ្គលិកលក្ខណៈជ្រុលនិយម និងមានតែអំពើហិង្សា ចរិតឆេវឆាវខ្លាំង។ ពួកគេងាយឆ្លងនូវចរិតអាក្រក់ និងគម្រូមិនល្អពីគ្រួសាររបស់ពួកគេណាស់៕
ព័ត៌មានថ្មីៗ
