សំណាងធំណាស់! បើអ្នកបានជួបមនុស្សមានលក្ខណៈទាំង ៤ នេះ ត្រូវតែថែរក្សាគេឱ្យបានល្អ រាប់អានទៅមិនខុសឡើយ
ក្នុងមួយជីវិតនេះ បើអ្នកមានឱកាសបានជួបមនុស្សដែលមានគុណសម្បត្តិ ៤ យ៉ាងនេះ អ្នកត្រូវតែថែរក្សាគេឱ្យបានល្អ រាប់អាន ជិតស្និទ្ធទៅមិនខុសឡើយ។ មិនថាយើងធ្វើអ្វីក្នុងជីវិតនោះទេ យើងត្រូវតែមានសតិសម្បជញ្ញៈ មានចិត្តល្អ ត្រូវធ្វើល្អ និងស្មោះត្រង់ជាមួយអ្នកដទៃ ធ្វើជាមនុស្សត្រូវតែមានគុណធម៌បែបនេះ។
១. មនុស្សមានចរិតល្អ សុភាពរាបសារ ៖ បុគ្គលដែលមានចិត្តរាបទាបជាមនុស្សមានប្រាជ្ញាដោយដឹងថា 'ចេះដើរទៅមុខ ចេះថយក្រោយ' ជាមនុស្សឈ្លាសវៃ និងយល់ឃើញយ៉ាងក្រៃលែង ។ ត្រូវតែយល់ថា មនុស្សរាបសារ មិនចាំបាច់ដឹងខ្លួន ឬទន់ខ្សោយនោះទេ ប៉ុន្តែពួកគេដឹងពីកន្លែងដែលពួកគេឈរ ហើយមានអ្នកផ្សេងទៀតដែលល្អជាងពួកគេ។ ចំណែកអ្នកដែលអួតអាងខ្លាំងពេក ទោះគេល្អជាងអ្នកដទៃក៏មិនមានការបញ្ចប់ល្អក្នុងរយៈពេលវែងដែរ។ មនុស្សរាបសារក៏ចេះបណ្ដុះបណ្ដាលខ្លួនឯង មិនដែលនៅស្ងៀម តែត្រូវសិក្សា និងកែលម្អខ្លួនឯងឱ្យកាន់តែប្រសើរឡើង។
២. មនុស្សដែលមានការប្រុងប្រយ័ត្នខ្ពស់ ៖ បុគ្គលដែលចេះប្រយ័ត្នប្រយែងក្នុងគ្រប់យ៉ាង មិនងាយនឹងបរាជ័យឡើយ។ ពួកគេមានភាពរឹងមាំពីខាងក្នុង មិនរងផលប៉ះពាល់ដោយការបង្កាច់បង្ខូច និងមិនបាត់បង់ហេតុផល ឬខ្លួនឯងដោយសារតែការផ្លាស់ប្តូរនៅក្នុងពិភពខាងក្រៅឡើយ។ នៅពេលប្រឈមមុខជាមួយការលំបាក និងបរាជ័យ ពួកគេនឹងមិនត្អូញត្អែរពីជោគវាសនារបស់ពួកគេទេ ប៉ុន្តែនឹងក្រោកឡើងដោយខ្លួនឯង ស្វែងរកវិធីដោះស្រាយបញ្ហា និងរៀនពីបទពិសោធន៍ផ្ទាល់ខ្លួនរបស់ពួកគេ។ ពួកគេនឹងតែងតែសម្លឹងមើលអ្វីៗគ្រប់យ៉ាងដោយអាកប្បកិរិយាស្ងប់ស្ងាត់ អត់ធ្មត់នៅក្នុងរឿងគ្រប់យ៉ាងទាំងរឿងការងាររហូតដល់រឿងជីវិត ប្រព្រឹត្តចំពោះមនុស្សគ្រប់គ្នាដោយទន់ភ្លន់ និងចុះសម្រុង ដោះស្រាយអ្វីៗគ្រប់យ៉ាងដោយហេតុផល មិនឆេវឆាវឡើយ។
៣. មនុស្សគោរពពាក្យសម្ដី ៖ ក្នុងជីវិតមនុស្សម្នាក់ត្រូវតែដឹងពីរបៀបយកទំនុកចិត្តជារឿងសំខាន់បំផុត ត្រូវតែបណ្តុះខ្លួនឯង និងដឹងពីអ្វីដែលត្រឹមត្រូវដើម្បីជោគជ័យ។ ក្នុងនាមជាមនុស្សម្នាក់ អ្នកត្រូវតែស្មោះត្រង់ និយាយការពិត ចងចាំកេរ្តិ៍ឈ្មោះរបស់អ្នកក្នុងគ្រប់កិច្ចការដែលអ្នកធ្វើ មិនថាមាន ឬក្រក៏អ្នកមិនត្រូវបណ្ដោយឱ្យបាត់បង់កេរ្តិ៍ឈ្មោះដែរ។ មនុស្សដែលមិនរក្សាពាក្យសម្ដី អាចមានផលប្រយោជន៍ភ្លាមៗ ប៉ុន្តែនៅពេលដែលមនុស្សជុំវិញខ្លួនយល់យ៉ាងច្បាស់ពីធម្មជាតិបោកប្រាស់ និងភាពរមិឡគុណរបស់ពួកគេ អ្នកក្បែរខ្លួននឹងចាកចេញ នៅពេលនោះហើយ ដែលគ្មានអ្នកណានឹងទុកចិត្ត ជឿជាក់លើអ្នកទៀតឡើយ។
៤. មនុស្សស្មោះត្រង់ ៖ មនុស្សបុរាណបានជឿថា កេរ្តិ៍ឈ្មោះ និងទ្រព្យសម្បត្តិមិនមែនជារឿងសំខាន់បំផុតនោះទេ ប៉ុន្តែជាចរិតលក្ខណៈស្មោះត្រង់ ទើបជាគុណតម្លៃពិត។ ដើម្បីទទួលបានការជឿទុកចិត្តពីអ្នកដទៃ យកល្អត្រូវមានចរិតល្អ។ បុគ្គលមានគុណធម៌ ចិត្តល្អ ចេះសន្សំគុណធម៌ អ្នកណាឱ្យតម្លៃនឹងសេចក្តីទុកចិត្ត នោះនឹងជាទីទុកចិត្តរបស់អ្នកដទៃ មិនថាក្នុងកាលៈទេសៈណាក៏ដោយ។ បុគ្គលដែលមានចរិតអន់ដែលគ្រាន់តែប្រកួតប្រជែងយកឈ្នះជាមួយអ្នកដទៃ ដើម្បីផលប្រយោជន៍តិចតួចប៉ុណ្ណោះនឹងធ្វើឱ្យមនុស្សខ្លាចមិនចង់ក្បែរ និងត្រូវគេស្អប់កាន់តែខ្លាំង។
បុគ្គលដែលមិនមានទេពកោសល្យ ប៉ុន្តែមានចិត្តរាបទាប ហើយមានឆន្ទៈក្នុងការរៀនសូត្រ មិនមែនជាបញ្ហានោះទេ មនុស្សបែបនេះមិនខ្វះអ្នកគោរពឱ្យតម្លៃឡើយ។ ប៉ុន្តែអ្នកដែលអសីលធម៌ អួតអាង និងបោកប្រាស់ ច្បាស់ជាត្រូវគេស្អប់។ មិនថាអ្នកធ្វើអ្វីក្នុងជីវិតនោះទេ អ្នកត្រូវតែមានសតិសម្បជញ្ញៈ ចេះធ្វើខ្លួនល្អ មានចិត្តល្អ និងស្មោះត្រង់ជាមួយអ្នកដទៃ នោះអ្នកនឹងក្លាយជាមនុស្សដែលមានតម្លៃបំផុត៕
ព័ត៌មានថ្មីៗ
