កុំឱ្យឱកាសទាំង ៣ នេះកន្លងទៅឱ្យសោះ បើចង់រកលុយបន្ថែម ដើម្បីឱ្យជីវភាពកាន់តែល្អឡើង
វិធីរកលុយមានច្រើនណាស់នៅក្នុងពេលបច្ចុប្បន្ននេះ តែយ៉ាងណាក៏ដោយ ដាច់ខាតកុំដើរផ្លូវខុស កុំព្រោះតែចង់មានបាន រកលុយដោយវិធីអាក្រក់ ខ្មៅងងឹត កេងប្រវញ្ច បោកប្រាស់អ្នកដទៃ។ តែយ៉ាងណាមិញ ជាមួយនឹងឱកាសទាំង ៣ នេះ កុំឱ្យរំលងផុតទៅ បើអ្នកចង់រកលុយបន្ថែម ដើម្បីសម្រាលបន្ទុក និងជួយឱ្យជីវភាពកាន់តែល្អប្រសើរ។
១. រកលុយតាមរយៈទំនាក់ទំនង ៖ យើងទាំងអស់គ្នាដឹងហើយថា កន្លែងមានមនុស្សច្រើន មានភាពងាយស្រួលសម្រាប់អាជីវកម្ម។ វាជាធម្មជាតិ និងអាចយល់បានក្នុងការពឹងផ្អែកលើលំហូររបស់មនុស្សដើម្បីរកលុយ។ មិនមែនត្រឹមតែជាបុគ្គលស្គាល់គ្នាប៉ុណ្ណោះទេ ប៉ុន្តែក៏ជាគ្រួសារធំអាចពឹងផ្អែកលើការកើនឡើងនៃលំហូរមនុស្សដើម្បីរកប្រាក់ផងដែរ។ មានសុភាសិតបុរាណមួយពោលថា “អ្នកមាន ទោះនៅលើភ្នំក៏មានអ្នកតាមស្គាល់ តែអ្នកក្រ ទោះនៅកណ្ដាលក្រុង ក៏គ្មានអ្នកមើលដែរ” មានន័យថា បើគ្រួសារអ្នកមាន ប្រាកដជាមានភ្ញៀវមកលេងច្រើនជាមិនខាន។ និយាយឱ្យខ្លី "ទំនាក់ទំនងសង្គមអាចនាំមកនូវលុយកាក់ និងផលប្រយោជន៍" ។ ដូច្នេះអ្នកត្រូវពង្រីកទំនាក់ទំនងសង្គមឱ្យបានល្អ នេះនឹងជួយឱ្យអ្នកមានឱកាសកាន់តែច្រើនក្នុងការក្លាយជាអ្នកមាន។
២. ពេលក្រ កាន់តែខំប្រឹង ព្រោះចង់ក្លាយជាអ្នកមាន ៖ មនុស្សខ្លះខ្លាចភាពក្រីក្រ ហើយពេលខ្លួនក្រ មិនត្រឹមតែមានអារម្មណ៍ថាខ្មាសអ្នកដទៃទេ តែថែមទាំងខ្មាសខ្លួនឯងទៀតផង។ តែទោះយ៉ាងណាក៏ដោយ អ្នកខ្លះកាន់តែក្រ កាន់តែមានគោលជំហនឹងន រឹងមាំ កាន់តែខំប្រឹងពុះពារវារឡើងឱ្យកាន់តែខ្ពស់ ព្រោះតែខ្លាចក្រ ខ្លាចលំបាកពេលចាស់ទៅ។ ការដែលអ្នកក្រពេកដែលអ្នកអាចមើលឃើញបាត ក៏ជាឱកាសមួយដើម្បីបង្វែររឿងមកវិញដែរ។ បើអ្នកក្រ តែចិត្តមិនក្រ អនាគតប្រាកដជាភ្លឺស្វាង។ ដរាបណាអ្នកខិតខំប្រឹងប្រែងឥតឈប់ឈរ បង្វែរបំណងចង់ក្លាយជាអ្នកមានទៅជាសកម្មភាពវិជ្ជមាន ដើម្បីក្លាយជាអ្នកមាន នោះអ្នកនឹងរកឃើញផ្លូវក្លាយជាអ្នកមានយ៉ាងពិតប្រាកដ។
៣. ទុកលុយក្នុងគ្រួសារ ៖ ចំណុចនេះ យុវវ័យគួរតែអនុវត្តន៍ នៅពេលដែលអ្នកកំពុងតែស្ថិតក្នុងជីវិតរស់នៅម្នាក់ឯង។ គ្រួសារដែលចង់រក្សាលុយឱ្យបានយូរត្រូវចេះរួបរួមគ្នាបង្កើតចំណុចខ្វះខាត។ ចំណុចខ្វះខាតត្រង់នេះ សំដៅលើមនុស្សដែលចាយលុយដូចទឹក ជាពិសេសកូនប្រុស ខ្ជះខ្ជាយដៃទូលាយចាយវាយធំណាស់។ មនុស្សដែលមិនបានសិក្សា មិនខិតខំប្រឹងប្រែង មិនចេះរកលុយ មនុស្សខ្ជិលខ្ជះខ្ជាយទ្រព្យសម្បត្តិគ្រួសារ មនុស្សប្រភេទនេះត្រូវផ្លាស់ប្តូរព្រោះមាត់ធំអាចលេបភ្នំមួយបាន បើម្នាក់ធ្វើការហើយម្នាក់ខ្ជះខ្ជាយ ទោះរកបានប៉ុន្មានក៏មិនសល់ដែរ។
តាមពិតទៅ គ្រប់គ្រួសារតែងតែប្រាថ្នាចង់បាន ហុងស៊ុយ ដែលនាំមកនូវទ្រព្យសម្បត្តិ និងសម្ភារៈ ប៉ុន្តែមានគ្រួសារជាច្រើន មានដោយមិនដឹងខ្លួន។ ជាការពិត ទ្រព្យសម្បត្តិដ៏អស្ចារ្យបំផុតនៅក្នុងជីវិតគឺ ភាពក្លាហានក្នុងការកសាងអាជីព និងរកលុយ សមត្ថភាពក្នុងការទំនាក់ទំនងជាមួយមនុស្ស និងការរួបរួមក្នុងគ្រួសារ។ បើមិនចាប់យកឱកាសទេ ទ្រព្យសម្បត្តិចូលមកហើយក៏ចេញទៅវិញ។ ប្រសិនបើសមាជិកគ្រួសារទាំងអស់រួមដៃគ្នា ចេះទុកដាក់ សន្សំសំចៃ នោះឱកាសក្លាយជាអ្នកមាននៅមិនឆ្ងាយនោះឡើយ៕
ព័ត៌មានថ្មីៗ
