មនុស្សដែលមានចរិតទាំង ៤ នេះ មិនសូវជាមានសំណាង ជោគវាសនាក៏មិនសូវបានល្អប្រសើរដែរ
សម្រាប់មនុស្សដែលមានចរិតលក្ខណៈទាំង ៤ ចំណុចនេះ ជោគវាសនា អនាគតមិនសូវជាបានល្អប្រសើរឡើង លាភសំណាងក៏មិនចង់ចូលក្បែរមនុស្សប្រភេទនេះដែរ ដូច្នេះហើយ ប្រសិនបើអ្នកមានលក្ខណៈ ឬមានចំណុចណាមួយក្នុងចំណោមទាំង ៤ នេះ អ្នកគួរតែឆាប់កែប្រែជាបន្ទាន់ ដើម្បីកែជោគជតាខ្លួនឯងឡើងវិញ។
១. មិនចង់ទំនាក់ទំនងជាមួយមនុស្សជុំវិញខ្លួន
ពេលអ្នកក្រ កុំនៅតែក្នុងផ្ទះ ត្រូវចេញក្រៅជួបមនុស្សច្រើនបង្កើតទំនាក់ទំនងល្អៗឱ្យបានច្រើន តែពេលអ្នកមាន ចូរធ្វើផ្ទុយពីនេះ។ មនុស្សក្រីក្រតែងតែមានការគោរពខ្លួនឯងទាប ដូច្នេះពួកគេមិនចង់ចូលរួមក្នុងសង្គមមនុស្សច្រើនឡើយ ចង់នៅសម្ងំតែក្នុងផ្ទះប៉ុណ្ណោះ។ ប៉ុន្តែទម្លាប់នេះនឹងបំផ្លាញទំនាក់ទំនង និងឱកាសល្អៗសម្រាប់ពួកគេ។ ប្រសិនបើអ្នកមិនហ៊ានចាកចេញពីតំបន់សុខស្រួលរបស់អ្នកទេ វានឹងពិបាកក្នុងការជោគជ័យខ្លាំងណាស់។
២. មិនខ្វល់ពីអារម្មណ៍ និងតម្រូវការរបស់អ្នកដទៃ
មនុស្សឆ្លាត គឺជាមនុស្សដែលចេះយល់ពីអ្នកដទៃ។ ពួកគេមិនច្រានចោលអារម្មណ៍ និងគំនិតរបស់អ្នកដទៃឡើយ ដូច្នេះពួកគេយល់ពីទស្សនៈផ្សេងគ្នា ហើយសម្លឹងមើលស្ថានភាពមួយពីទស្សនៈជាច្រើន ដោយពិនិត្យមើលបញ្ហាដោយបើកចំហ។ មនុស្សឆ្លាតច្រើនតែមានក្រសែភ្នែកល្អក្នុងការមើលមនុស្ស ដូច្នេះនៅពេលដែលពួកគេធ្វើការជាមួយគ្នា ពួកគេច្រើនតែជឿជាក់លើសហការីរបស់ពួកគេយ៉ាងខ្លាំង ហើយមានឆន្ទៈក្នុងការប្រគល់ភារកិច្ចសំខាន់ៗ។ មនុស្សដែលមានវាសនាមិនល្អដូចធម្មតា នៅតែជឿជាក់លើខ្លួនឯង ហើយតែងតែព្យាយាមរកកំហុស ព្រងើយកន្តើយពេលឃើញមិត្តភក្តិ និងមិត្តរួមការងារធ្វើខុស ហើយមិនព្រមជួយកែលម្អ ចេះតែជាន់ពន្លិច។
៣. រស់នៅដោយគ្មានការគោរព
មនុស្សមួយចំនួនគិតថា ប្រសិនបើអ្វីមួយមិនផ្តល់ផលប្រយោជន៍ដល់ពួកគេនោះ វាមិនសមនឹងការយកចិត្តទុកដាក់នោះឡើយ។ ថ្វីដ្បិតតែការគិតបែបនេះអាចយល់បានក៏ដោយ ប្រសិនបើមនុស្សម្នាក់គិតតែពីប្រយោជន៍ផ្ទាល់ខ្លួនខ្លាំងពេក គាត់នឹងមិនសប្បាយចិត្តឡើយ។ ទាំងនេះគឺជាមនុស្សអាត្មានិយម ដែលធ្វើការតែផលប្រយោជន៍ផ្ទាល់ខ្លួន ដោយមិនយកចិត្តទុកដាក់ ឬខ្វល់ពីអារម្មណ៍របស់អ្នកដទៃ។ មនុស្សបែបនេះតែងតែមានជម្លោះជាមួយអ្នកដទៃ។ គ្មាននរណាម្នាក់ចង់ធ្វើជាមិត្តនឹងមនុស្សប្រភេទនេះឡើយ។
៤. មនុស្សចង់តែឈ្នះ ដោយគ្មានហេតុផល
ប្រភេទមនុស្សដែលខ្លាចអន់ ខ្លាចអ្នកដទៃមើលងាយ ដូច្នេះហើយគាត់តែងតែយកចិត្តទុកដាក់ចំពោះមុខមាត់អ្នកដទៃ ហើយថែមទាំងជិះជាន់អ្នកដទៃដោយកម្លាំងទៀតផង។ មនុស្សប្រភេទនេះ ពេលពិភាក្សាតែងតែចង់ឱ្យអ្នកដទៃយល់ស្របនឹងអ្វីដែលគាត់និយាយ។ បើមិនទទួលស្គាល់ គាត់នឹងប្រើពាក្យគំរោះគំរើយ ដើម្បីបញ្ជាក់ថាត្រូវ។ មនុស្សប្រភេទនេះ មិនដែលទទួលយកការពិតថាវាជាកំហុសរបស់ខ្លួនទេ ប៉ុន្តែច្រើនតែបន្ទោសអ្នកដទៃ៕
ព័ត៌មានថ្មីៗ
