មនុស្សដែលមានគុណសម្បត្តិទាំង ៣ នេះ ប្រៀបដូចនាគខ្លួន មានទាំងសំណាង និងអំណាច
ចាស់ៗបុរាណបានបង្រៀនថា ប្រសិនបើអ្នកជួបបុគ្គលដែលមានចរិតលក្ខណៈ ៣ យ៉ាងនេះ ដាច់ខាតកុំមើលស្រាលពួកគេឱ្យសោះ។ មនុស្សទាំងនេះ ប្រៀបដូចជានាគលាក់ខ្លួន នៅពេលអនាគតពួកគេនឹងបង្កើតព្រឹត្តិការណ៍ដ៏អស្ចារ្យ មានតម្លៃដែលយើងគួរតែរៀនសូត្រតាមពួកគេ។
១. ភ្នែកដែលមើលមនុស្ស និងអ្វីៗបានត្រឹមត្រូវ
តាមពិតទៅ មានមនុស្សមួយចំនួនដែលទោះបីជាពួកគេមានអាយុច្រើនក៏ដោយ ក៏នៅតែមានភាពច្របូកច្របល់ខ្លាំង ហើយនៅកន្លែងជាច្រើននៅតែមិនទាន់ដឹងក្ដីនៅឡើយ។ ទោះបីជាយ៉ាងណាក៏ដោយ ក៏មានមនុស្សមួយចំនួនដែរ បើទោះបីជាពួកគេនៅក្មេង ប៉ុន្តែពួកគេច្បាស់ណាស់អំពីអ្វីគ្រប់យ៉ាង ភ្នែករបស់ពួកគេចំពោះមនុស្ស និងការងាររបស់ពួកគេ គឺត្រឹមត្រូវច្បាស់លាស់ណាស់។ មនុស្សប្រភេទនេះពូកែជ្រើសរើសអាជីពជាដៃគូ និងធ្វើការសម្រេចចិត្តក្នុងជីវិត។
ជាមេរៀនជីវិត មនុស្សគ្រប់គ្នាគួរតែមើលមនុស្ស និងរបស់របរឱ្យបានច្បាស់។ អ្នកគួរតែយល់ច្បាស់ពីធម្មជាតិរបស់មនុស្ស និងវត្ថុដែលនៅជុំវិញខ្លួន។ មនុស្សដែលមានភ្នែកមុត តែងតែប្រុងស្មារតី ចិត្តតែងតែដឹងច្បាស់ថាផ្លូវណាល្អ មនុស្សប្រភេទណាអាក្រក់។ ដូច្នេះហើយ ជីវិតរបស់ពួកគេក៏នឹងមានគុណភាពកាន់តែខ្ពស់ មិនងាយធ្លាក់ចុះនោះឡើយ។
២. ត្រូវមានចិត្តល្អកុំប្រកាន់ទោសអ្នកដទៃ
មានសុភាសិតមួយឃ្លាពោលថា៖ «បើទឹកថ្លាគ្មានត្រី បើមនុស្សវិនិច្ឆ័យពេក គ្មានអ្នកណាមកជិតឡើយ»។ បើមនុស្សមានចិត្តរហ័សរហួន និងឃោរឃៅចំពោះអ្នកដទៃ វានឹងពិបាកសម្រាប់គេក្នុងការបង្កើតមិត្ត ព្រោះអ្នកដទៃពិបាកនឹងធ្វើជាមួយនឹងមនុស្សទាំងនេះ។
ការពិតក្នុងជីវិតយើងតែងតែជួបមនុស្សពិបាកខ្លះ ពួកគេតែងតែបំភ្លើសកំហុសតូចតាចរបស់អ្នកដទៃ ហើយនិយាយដដែលៗម្តងហើយម្តងទៀត។ ទោះបីទទួលបានការសុំទោសក៏គេនៅតែមិនព្រមចោលដែរ។ និយាយឱ្យត្រង់ទៅ មនុស្សបែបនេះមិនមានមិត្តច្រើនទេ ហើយទំនាក់ទំនងរបស់គាត់មានកម្រិតណាស់។ ពួកគេច្រើនតែមិនអាចចុះសម្រុងជាមួយអ្នកដទៃបានល្អ ហើយមិនល្អក្នុងការគ្រប់គ្រងទំនាក់ទំនងរវាងបុគ្គល បែបនេះនឹងបង្កគ្រោះថ្នាក់ដល់ខ្លួនអ្នក និងអ្នកដទៃ។
ផ្ទុយទៅវិញ មនុស្សដែលមានបុគ្គលិកលក្ខណៈល្អដែលចេះគ្រប់គ្រងអារម្មណ៍ និងចេះអធ្យាស្រ័យជាមួយអ្នកដទៃ មិនត្រឹមតែអាចទទួលបានការគោរព និងទុកចិត្តពីអ្នកជុំវិញខ្លួនប៉ុណ្ណោះទេ ថែមទាំងទទួលបានកេរ្តិ៍ឈ្មោះល្អសម្រាប់ខ្លួនទៀតផង។ នៅពេលដែលអ្នកត្រូវបានហ៊ុំព័ទ្ធដោយមនុស្សដែលមានចរិតល្អ វាមានន័យថាអ្នកមានមិត្តច្រើនក្នុងជីវិតរបស់អ្នកដែលសុខចិត្តធ្វើការជាមួយអ្នក ហើយនេះនឹងជួយអ្នកឱ្យចៀសផុតពីបញ្ហាជាច្រើន។
៣. ត្រូវមានវិន័យ និងស្រលាញ់ខ្លួនឯង
ជីវិតមនុស្សល្អ ឬមិនល្អ អាស្រ័យលើបុគ្គលិកលក្ខណៈ និងរបៀបរស់នៅរបស់គេ។ មនុស្សដែលចេះប្រៀនប្រដៅ និងស្រលាញ់ខ្លួនឯងគ្រប់ពេលវេលា តែងតែរក្សានូវភាពល្អប្រពៃ មិនមានអារម្មណ៍ថាមានកំហុស ព្រោះអ្នកដទៃថាខ្លួនអាក្រក់ ហើយក៏មិនត្រេកអរ ព្រោះអ្នកដទៃថាខ្លួនល្អ។
មនុស្សដែលមិនចេះស្រលាញ់ខ្លួនឯង តែងតែងងឹតងងុល ខ្វាក់ភ្នែក ផ្គាប់ចិត្តអ្នកដទៃ រួចធ្វើបាបខ្លួនឯង គឺមិនសមនឹងការស្រលាញ់នោះទេ។ ពួកគេមានទំនោរយកចិត្តសប្បុរសរបស់អ្នកដទៃមកលើពួកគេដោយឥតប្រយោជន៍ ហើយងាយនឹងចងកំហឹងពេលពួកគេមិនបានទទួលនូវអ្វីដែលពួកគេចង់បាន។ ដូច្នេះហើយមនុស្សបែបនេះពិបាកនឹងត្រូវអ្នកដទៃស្រលាញ់ណាស់ តែអាចធ្វើឱ្យអ្នកដទៃឈឺចាប់បាន។
តែងតែទទួលបានពរជ័យ សម្រាប់អ្នកដែលស្រឡាញ់ខ្លួនឯងយ៉ាងពិតប្រាកដ ហើយចេះប្រៀនប្រដៅខ្លួនឯង។ ព្រោះតែពេលអ្នកចេះស្រលាញ់ខ្លួនឯងឱ្យបានល្អ អ្នកនឹងមិនធ្វើបាបខ្លួនឯងតាមអំពើចិត្តឡើយ។ តាមធម្មជាតិ មនុស្សគ្រប់រូបចង់ឱ្យគេស្រឡាញ់ និងឱ្យតម្លៃ។ បើចង់មានជីវិតល្អ ត្រូវតែរៀនធ្វើជាមនុស្សមានបុណ្យ ចេះបណ្តុះខ្លួនឯង ចេះប្រៀនប្រដៅ និងចេះស្រឡាញ់ខ្លួនឯង៕
ព័ត៌មានថ្មីៗ
