មនុស្សអត់សំណាង! បើចេញសញ្ញាទាំង ៣ ចំណុចនេះមក ច្បាស់ណាស់ថា អ្នកធ្វើអ្វីក៏មិនសម្រេចជោគជ័យដែរ
សម្រាប់មនុស្សដែលមានលក្ខណៈទាំង ៣ យ៉ាងនេះ គឺជាសញ្ញាបញ្ជាក់ថា អ្នកគឺជាមនុស្សដែលមិនអាចសម្រេចបានអ្វីជាដុំកំភួនឡើយ ធ្វើការងារអ្វីក៏ដោយ ក៏មនជោគជ័យដែរ។
១. លោភលន់
លោភលន់ គឺជាធម្មជាតិរបស់មនុស្សគ្រប់រូប។ ប៉ុន្តែតាមការពិត យើងកាន់តែក្រ យើងកាន់តែលោភ។ នៅទីបំផុត យើងទទួលបានតិច ប៉ុន្តែខាតច្រើន។ កាលណាអ្នកគ្មានសមត្ថភាព ឬចក្ខុវិស័យកាន់តែច្រើន អ្នកកាន់តែចង់បានអត្ថប្រយោជន៍ភ្លាមៗ ហើយភ្លេចតម្លៃរយៈពេលវែង។
វាមិនមែនជារឿងចៃដន្យទេ ដែលគម្លាតរវាងអ្នកមាន និងអ្នកក្រត្រូវបានកំណត់យ៉ាងច្បាស់តាមរយៈពាក្យថា អ្នកក្រចង់បានបច្ចុប្បន្ន អ្នកមានចង់បានអនាគត។ ភាពខុសគ្នារវាងអ្នកមាន និងអ្នកក្រ គឺស្ថិតនៅក្នុងចក្ខុវិស័យរបស់ពួកគេតែប៉ុណ្ណោះ។
២. និយាយស្ដីមិនល្អ
មនុស្សជាច្រើនតែងតែត្អូញត្អែរ ស្តីបន្ទោស និងមានអារម្មណ៍ច្រណែនថាហេតុអ្វីបានជាពួកគេតែងតែក្រ ខណៈពេលដែលអ្នកដទៃជាអ្នកមាន និងជោគជ័យ។ ពួកគេតែងតែស្តីបន្ទោសគ្រប់បែបយ៉ាង សម្លឹងមើលអ្នកដទៃដោយក្រសែភ្នែកពិនិត្យ តែងតែជីកកកាយ និងនាំអ្នកដទៃចុះចាញ់។
ទោះជាយ៉ាងណាក៏ដោយ នៅពេលដែលមនុស្សម្នាក់មិនឈប់និយាយ ពួកគេនឹងបាត់បង់ទំនុកចិត្ត និងការស្រលាញ់ពីមនុស្សបន្តិចម្តងៗ ហើយបាត់បង់ឱកាសក្នុងការទទួលបានការគាំទ្រ ដើម្បីរួចផុតពីការលំបាក។ ដូច្នេះហើយបើអ្នកចង់សម្រេចបាននូវអាជីពដ៏អស្ចារ្យដំបូងអ្នកត្រូវថែរក្សាមាត់ឱ្យបានល្អ។
៣. តែងតែប្រើលេសដោះសារ
មនុស្សប្រភេទនេះតែងតែរកលេសបន្ទាប់ពីបរាជ័យ។ គេតែងប្រើលេសថាខ្លួនបរាជ័យព្រោះ អត់សំណាង ទេវតាមិនជួយ បរាជ័យព្រោះអ្នកនេះ ឬអ្នកនោះ គេមិនដែលបន្ទោសថា មកពីខ្លួនគេឡើយ។ ទោះជាយ៉ាងណាក៏ដោយ មនុស្សទាំងនេះសុទ្ធតែមានរឿងដូចគ្នា៖ គឺគ្មានវិជ្ជាជីវៈ គ្មានការតស៊ូ និងគ្មានជំនឿយ៉ាងមុតមាំលើការងារ ឬជីវិត។ ដូច្នេះពេលពួកគេជួបការលំបាក ឬស្ថិតក្រោមសម្ពាធ នោះពួកគេនឹងជ្រើសរើសបោះបង់ ហើយរត់ចេញ។ នោះហើយជាមូលហេតុដែលពួកគេមិនអាចជោគជ័យបាន៕
ព័ត៌មានថ្មីៗ
