ឆ្នាំ ២០២៤ ហើយ! បើចង់ឱ្យខ្លួនឯងរីកចម្រើន បានល្អប្រសើរ ត្រូវនៅឱ្យឆ្ងាយពីពពួកមនុស្ស ៤ ប្រភេទនេះ
ការនៅជុំវិញមនុស្សប្រភេទនេះ មិនថាអ្នកធ្វើអ្វីនៅទីណាទេ អ្នកប្រាកដជាបរាជ័យ។ នៅក្នុងជីវិតមានទំនាក់ទំនងដែលនឹងជួយអ្នកឱ្យកាន់តែប្រសើរឡើងពីមួយថ្ងៃទៅមួយថ្ងៃ ប៉ុន្តែក៏មានមនុស្សមួយចំនួនដែលអ្នកគួរនៅឱ្យឆ្ងាយផងដែរ ព្រោះមនុស្សទាំងនេះ នឹងទាញអ្នកទម្លាក់ចុះ រើខ្លួនមិនរួចឡើយ ដូច្នេះហើយ អ្នកត្រូវតែនៅឱ្យឆ្ងាយពីពួកគេ ជាពិសេស មនុស្សទាំង ៤ ក្រុមនេះ។
១. មនុស្សអាត្មានិយម
នៅក្នុងក្រុមហ៊ុនមួយ អ្នកប្រាកដជាជួបមនុស្សជាច្រើន ហើយត្រូវធ្វើការជាមួយគ្នា ដូច្នេះ អ្នកនឹងជួបមនុស្សអាត្មានិយមជាច្រើនផងដែរ។ មនុស្សប្រភេទនេះមានលក្ខណៈថា ដើម្បីតែប្រយោជន៍ផ្ទាល់ខ្លួនគេហ៊ានធ្វើអ្វីគ្រប់យ៉ាង ធ្វើអ្វីក៏បាន គេមិនខ្វល់ពីអ្នកណាឡើយ។ ដូច្នេះហើយកុំល្ងង់ទៅពិភាក្សាអំពីផែនការ ឬប្រគល់កិច្ចការសំខាន់ៗដល់មនុស្សប្រភេទនេះឱ្យសោះ បើមិនចង់ឱ្យខ្លួនឯងក្លាយជាជនរងគ្រោះ ព្រោះតែភាពស្មោះត្រង់។
២. មនុស្សដែលគិតអវិជ្ជមាន
មនុស្សប្រភេទនេះ មានគំនិតទុទិដ្ឋិនិយមខ្លាំងចំពោះមនុស្សជុំវិញខ្លួន តែងតែបង្ហាញអារម្មណ៍អវិជ្ជមានគ្រប់ពេលវេលា។ មនុស្សប្រភេទនេះ តែងតែធ្វើខ្លួនប៉ះពាល់ដល់សីលធម៌របស់មនុស្សគ្រប់រូប និងធ្វើឱ្យការរួបរួមចុះខ្សោយ។ នៅជុំវិញអ្នក អារម្មណ៍អវិជ្ជមានរបស់ពួកគេ ក៏នឹងរាលដាលមកអ្នកផងដែរ ដោយកាត់បន្ថយប្រសិទ្ធភាពការងារ និងការរំពឹងទុករបស់អ្នកសម្រាប់អនាគត។
មិនថាអ្នកទើបតែចាប់ផ្តើមអាជីវកម្ម ឬធ្វើការក៏ដោយ អ្នកនៅតែស្ថិតក្នុងដំណាក់កាលអភិវឌ្ឍន៍ អ្នកប្រាកដជាប្រឈមមុខនឹងបញ្ហាប្រឈម និងការលំបាកជាច្រើន។ នៅឱ្យឆ្ងាយពីមនុស្សអវិជ្ជមាន ហើយរក្សាអារម្មណ៍របស់អ្នកឱ្យល្អ។
៣. មនុស្សដែលពូកែរិះគន់អ្នកដទៃ
ការបើកអាជីវកម្មអាស្រ័យលើក្រុម ការពឹងលើមនុស្សតែម្នាក់មិនអាចទទួលបានជោគជ័យឡើយ។ មនុស្សដែលតែងតែមានវីរភាពផ្ទាល់ខ្លួន ពួកគេចាត់ទុកខ្លួនឯងជាអ្វីៗគ្រប់យ៉ាង មិនត្រឹមតែពួកគេនឹងវាយតម្លៃលើសសមត្ថភាពរបស់ពួកគេប៉ុណ្ណោះទេ ប៉ុន្តែថែមទាំងបំផ្លាញភាពជោគជ័យនៃការងាររបស់ពួកគេទៀតផង។
មនុស្សប្រភេទនេះមិនថាបញ្ចេញអាត្មានិយម ឬអត់ទេ គឺមិនអំណោយផលដល់ការរួបរួមគ្នាទេ។ អ្វីដែលយើងត្រូវការ គឺមិនមែនជាវីរបុរសឯកោនៅលើកំពូលភ្នំទេ ប៉ុន្តែក៏ជាក្រុមរួបរួមដែលមានសមត្ថភាពជម្នះការលំបាក។
៤. មនុស្សមាត់អត់គម្រប
មនុស្សដែលមានមាត់វែង អាចបង្ករឿងអាស្រូវបានយ៉ាងងាយ ដែលវាមិនមានប្រយោជន៍សម្រាប់សុវត្ថិភាពព័ត៌មានអាជីវកម្មនោះទេ។ ទោះបីជាយើងទាំងអស់គ្នាដឹងថាពាក្យចចាមអារ៉ាមឈប់ត្រឹមមនុស្សឆ្លាតក៏ដោយ ក៏អ្នកមិនអាចធានាថាក្រុមរបស់អ្នកសុទ្ធតែជាមនុស្សឆ្លាត ដែលអាចរក្សាការសម្ងាត់បានគ្រប់រឿងនោះដែរ ដូច្នេះសូមនៅឱ្យឆ្ងាយពីមនុស្សប្រភេទនេះ ដើម្បីកុំឱ្យមានបញ្ហាវែងឆ្ងាយ៕
ព័ត៌មានថ្មីៗ
